சிறந்தச் சிந்தனையாளராக, சமூகச் செயல்பாட்டாளராக விளங்கிய ஸ்டாலின் பெலிக்ஸ், கல்வி, மருத்துவம், இரத்தத் தானம் எனத் தன்னால் இயன்ற உதவிகளை நேரடியாகவும், நண்பர்கள் மூலமாகவும் செய்து வந்தார்.

தமிழ் தேசியச் சிந்தனையாளரான இவர் ஈழ விடுதலைத் தொடர்பாகத் தமிழகத்தில் நடந்தப் பல்வேறு போராட்டங்களிலும் களமாடியவர். கூடங்குளம் அணு மின் நிலையத்திற்கு எதிரான அவரது எழுத்துக்களும் களப்போராட்டங்களும் அவர் ஒரு சூழியல் சிந்தனையாளர் என்பதற்குச் சான்று.

குமரி சுனாமி, தானே, சென்னை வெள்ளம், ஓகி  எனப் பெரும் பேரிடர்களில் நண்பர்களை ஒருங்கிணைத்து உதவிகள் தேவைப்படுவோருக்கு பல உதவிகள் வழங்கினார்கள்.

வாசிப்பில் மிகுந்த நாட்டம் கொண்டவர். குமரியின் குறிப்பாக பண்டையத் திருவிதாங்கூர் பற்றிய வாசிப்புகளையும், எழுத்துக்களையும் அவரது இறுதி நாட்களில் முன்னெடுத்திருந்தார்.

வட்டார நடையில் எழுதுவது அவரதுத் தனிச் சிறப்பு.

சிறந்த முற்போக்கு மற்றும் சமூகம் சார் சிந்தனையாளராக விளங்கிய அவர் தன் பேச்சிலும்,எழுத்திலும் முற்போக்கு மற்றும் தமிழ் மொழி உணர்வு சார்ந்த சிந்தனைகளை முன்வைத்ததோடு சாதி சமய அடிப்படைவாத போக்குகளுக்கு எதிராகவும் இருந்தார்.

அவரின் மரணத்திற்கு முந்தைய நாள் கடைசியாக எழுதிய காதலர் தின கவிதையில்,

“உங்கள் வீட்டுக்குள் தேடிப்பாருங்கள் உலகத்தின் உன்னதமான காதலர்கள் அங்கேயும் இருக்கலாம்” என்றார்.

காதல் குறித்த மரபை உடைக்கும் அற்புதமான வரிகள் இவை. இப்படியான ஆளுமையை இயற்கை விதி தனக்கு தானே ஏமாற்றிக்கொண்டது.